„მარნეულში და ბოლნისში მკაცრი კარანტინია გამოცხადებული, რეგიონში სამხედრო ნაწილებია შეყვანილი“.

რაც უფრო მეტი დრო გადის, საერთაშორისო მასმედიაში სულ უფრო მეტი ყურადღება ექცევა კორონავირუსთან დაკავშირებულ ფაქტებსა და მოვლენებს და თუ რომელიმე გამოცემა საქართველოს შესახებ ინფორმაციას ავრცელებს, ეს ინფორმაცია უმთავრესად „კოვიდ-19“-ის წინააღმდეგ ბრძოლას ეხება. ამ ფონზე უცხოურ მედიაში განსაკუთრებით ხშირად შუქდება ქვემო ქართლში შექმნილი ვითარება, სადაც, საქართველოს მთავრობის გადაწყვეტილებით, მთლიანად დახურულია ორი მუნიციპალიტეტის - მარნეულისა და ბოლნისის ტერიტორიები, სადაც უმეტესად, აზერბაიჯანულენოვანი მოსახლეობა ცხოვრობს.


ბუნებრივია, რომ ქვემო ქართლში მკაცრი კარანტინის გამოცხადების ფაქტი აზერბაიჯანის მასობრივი ინფორმაციის საშუალებების დაინტერესებას იწვევს, მაგალითად, ბაქოს გამოცემა „ნოვოე ვრემია“-ში («Новое время») გამოქვეყნებულია პუბლიკაცია სათაურით „მარნეულში და ბოლნისში მკაცრი კარანტინია გამოცხადებული, რეგიონში  სამხედრო ნაწილებია შეყვანილი“.


აზერბაიჯანის გამოცემებს არც რუსული მასმედია ჩამორჩება. გასული ღამის განმავლობაში ვიდეომასალები გავრცელდა რუსეთის ტელეარხ „მირ-24“-ით («Мир-24») სათაურით „კონტროლი ჰაერიდან: საქართველოს საკარანტინო ზონების პატრულირება დრონებით ხდება“, რომელშიც ასახულია მარნეულისა და ბოლნისის მუნიციპალიტეტებში შექმნილი ვითარება (საკარანტინო წესების დაცვა, დამრღვევების გამოვლენა...) და მისი კონტროლის მექანიზმები.


რუსული პრესა ყურადღებას აქცევს აგრეთვე კორონავირუსთან ბრძოლის თანამდევ  მეტად მტკივნეულ, დრამატულ ფაქტებსაც, რომელიც თითოეულ ოჯახს, თითოეულ ადამიანს ეხება. მხედველობაშია სხვადასხვა ქვეყნებში მცხოვრები ახლობლების, ნათესავებისა და ოჯახის წევრების ერთმანეთთან დაშორება, მათ შორის კონტაქტების გაწყვეტა. გაზეთ „ნოვაია გაზეტა“-ში («Новая газета»)  გამოქვეყნებულია სტატია სათაურით „კორონავირუსმა ოჯახები მთელ მსოფლიოში დაანაწილა“ (ავტორი - ვიქტორია მიკიშა), რომელშიც, სხვა ფაქტებთან ერთად გადმოცემულია საქართველოში დროებით მყოფი, შემდეგ კი ნიდერლანდებში  წასული  ერთ-ერთი რუსი მოქალაქის მარინა გლადიშევას ოჯახის ბედი. მან მცირეწლოვანი შვილი თბილისში მოხუც მშობლებთან მცირე დროით დატოვა, მაგრამ საგანგებო მდგომარეობის გამოცხადებისა და ავიამიმოსვლის შეწყვეტის გამო იგი საქართველოში ვერ ჩამოდის და შვილი ნიდერლანდებში ვერ მიჰყავს. იმავე სტატიაში ასევე საუბარია კიდევ რამდენიმე რუს მოქალაქეზე, რომლებსაც თბილისში მცირე ბიზნესი აქვთ, მარტის დასაწყისში იტალიაში გაემგზავრნენ, მაგრამ ახლა უკან დაბრუნებას ვერ ახერხებენ.

 

მოამზადა სიმონ კილაძემ

წყაროები: «Новое время»//«Мир-24»//»Новая газета» (აზერბაიჯანი//რუსეთი)





მსგავსი სიახლეები
„საქართველო „კოვიდ-19“-ს გააფთრებული ებრძვის“- Euractiv
„მარნეულში და ბოლნისში მკაცრი კარანტინია გამოცხადებული, რეგიონში სამხედრო ნაწილებია შეყვანილი“.
რუსეთის 300 მოქალაქე საქართველოში შემოსვლის უფლებას ითხოვს
"ირანის მთავრობა ელოდება, რომ მისი მეგობარი საქართველო სთხოვს აშშ-ს, რომ..." - რა მისწერა ირანელმა დიპლომატმა გახარიას?
"კორონავირუსის ფონზე უფალი ცდილობს, რომ მორწმუნეებამდე ინტერნეტით, ონლაინ-რეჟიმში მივიდეს"
ჩილდირ-აქტაშის საბაჟოს საერთაშორისო გადაზიდვების ახალი მისამართები
ჩაშლის თუ არა კორონავირუსი ახალ საარჩევნო სისტემაზე გადასვლას
"თბილისელი მღვდლები ქალაქს ნაკურთხ წყალს ასხურებენ" - ნეზავისიმაია გაზეტა
სომხეთსა და საქართველოს შორის სატვირთო გადაზიდვები არ წყდება
"გასასვლელი პუნქტები თურქეთ-საქართველოს საზღვარზე დაიხურა"
„რატომ ვერ შეძლო თურქეთმა ნატოს წესდების მეხუთე მუხლის ამოქმედება“
"შეთანხმების რეალიზება საფრთხის ქვეშაა: ოპოზიცია და ხელისუფლება შეიძლება წინა სტატუს-ქვოს დაუბრუნდეს“
“ძილისთვის 3-4 საათი გვაქვს... იმედია, გადავრჩებით”, - რას უძლებენ ქართველი ექიმი-ინფექციონისტები
"რუსეთის ხელისუფლების მიერ დღეს მიღებული ზომები გასული საუკუნის 20-იან წლების გამოცდილებასაც ემყარება" -ბორის რევიჩი
რას წერს თურქული მედია თურქეთ-საქართველოს საზღვარზე მგზავრთა მოძრაობის შეზღუდვის ფაქტზე?
„საქართველოში საგანგებო მდგომარეობა უნდა გამოცხადდეს, თითო დღეს აქვს მნიშვნელობა“.
რა შეზღუდვების აუცილებლობის წინაშეა ქართული საზოგადოება
"რა მოხდება თუ მე აშშ-ში, ჩემს სახლში დაბრუნებას დავაპირებ მომავალ კვირაში?“ - Financial Times
„კავკასიური მანევრები: როგორც ცდილობს საქართველო ნატოში გაწევრიანებას“
„კორონავირუსმა სომხეთის ტურისტული სფერო ძალზე დააზარალა, საქართველოსთან საზღვრის დახურვა არ შეიძლება, ის ღია უნდა იყოს“